Mae angen tanysgrifio i weld holl gynnwys yr erthygl.
Mae’n ddrwg gennym, ond mae’r cynnwys hwn ar gael i’r rhai sydd wedi tanysgrifio yn unig.
Mewngofnodi
Cofrestru
Delweddau’r cyfnod clo
Adolygiad o ‘Oriel Lockdown’, Canolfan y Celfyddydau, Aberystwyth
Gwireddu’r cysyniad yw rhagoriaeth yr arddangosfa hon.
Gwahoddwyd artistiaid o bob cwr i afon gwaith yn ymwneud ag unrhyw agwedd o’r pandemig – o’r firws a’r salwch, yr hunanynysu a’r newid byd, i brofiad yr unigolyn, y gymdogaeth a’r byd. Ac roedd penrhyddid o ran cyfrwng a maint y gwaith.
Daeth dros 1,000 o weithiau i law drwy ddulliau digidol. O blith y rhain detholodd Ffion Rhys, Curadur Arddangosfeydd y Ganolfan, ac Anthony Shapland, Cyfarwyddwr Creadigol canolfan artistiaid g39, Caerdydd, bron 400 o ddarnau, yn weithiau unigol a chyfresi o waith. Yr hyn a darodd y detholwyr oedd y straeon a oedd wrth gefn cynifer o’r ceisiadau. Penderfynwyd peidio â gwahaniaethu rhwng y proffesiynol a’r amatur wrth ddewis gwaith gan 160 o artistiaid.
Dyma arddangosfa agored yng ngwir ystyr y gair. Sioe ddemocrataidd. Ac er yr ymdrech gan y curaduron i ddilyn themâu, mae’r ystod o gyfryngau ac arddulliau yn syfrdanol.
