Mae angen tanysgrifio i weld holl gynnwys yr erthygl.
Mae’n ddrwg gennym, ond mae’r cynnwys hwn ar gael i’r rhai sydd wedi tanysgrifio yn unig.
Mewngofnodi
Cofrestru
Difyrrwch pwysig, pwysig ond dim ond difyrrwch
Y degfed-ar-hugain o Dachwedd, yn Siop Elis Llangefni fel yn y Sea Shanty yn Nhrearddur, ‘Welaist ti’r gêm?’ oedd y cwestiwn mawr, a’r ateb gan amlaf oedd, ‘Do, gwaetha’r modd. Y Saeson wedi’n maeddu eto.’ Yng Nghatâr, y tîm wedi siomi pawb, pawb ond yr anobeithiwr pennaf. Wedi’r fuddugoliaeth enfawr yn erbyn Wcráin yn yr haf, dathlasom y ffaith fod Cymru’n mynd i ffeinals Cwpan y Byd gyda’r arddangosfa fwyaf o wladgarwch anwleidyddol a welsom er Euro 2016.
Yma yn Nhregaian, ar ochr dreif Carrog Fain a Charrog Uchaf, yr oedd fy nghyfaill Williams wedi gosod y Ddraig Goch fwyaf posib ar y polyn fflag a gododd rai blynyddoedd yn ôl i gyhwfan baneri Everton ac Urdd Gobaith Cymru. Cafwyd rhaglenni teledu sylweddol, a gyrhaeddodd uchafbwynt gyda thrindod o raglenni Jonny Owen, Merthyr Tudful, ar BBC Wales yn olrhain y diwygiad a sbardunwyd gan y bythgofiadwy Gary Speed. Bu Dafydd Iwan yma o hyd yn y Times fel ar S4C.
