Mae angen tanysgrifio i weld holl gynnwys yr erthygl.
Mae’n ddrwg gennym, ond mae’r cynnwys hwn ar gael i’r rhai sydd wedi tanysgrifio yn unig.
Mewngofnodi
Cofrestru
Gareth Price (1939–2018)
Ym mis Medi 1964 y cwrddon ni gyntaf, dau gynhyrchydd radio ifanc eitha di-glem newydd eu penodi – Gareth ar ôl blwyddyn yn darlithio ar ystadegau ym Mhrifysgol Queen’s, Belfast – yn rhannu stafell ac yn dechrau cyfeillgarwch oes.
Roedd Gareth yn ddysgwr cyflym ac yn chwa o awel iach. Daeth â ffresni a phersbectif gwahanol i raglenni radio materion y dydd mewn cyfresi amser cinio fel Ac Os ac Onibai, gyda chymysgedd amrywiol a newydd o gyfranwyr: Llew Goodstadt yn Hong Kong, y Gweriniaethwr I.D.E. Thomas yn America, a Harri Pritchard Jones a’r Athro Proinsias Mac Cana yn Iwerddon. Roedd ganddo’r ddawn hefyd i drin gwleidyddion croendenau; y ffefryn ganddo o ddigon oedd yr hen rebel dros Ferthyr, S.O. Davies.
O fewn dwy flynedd, roedd teledu wedi ei fachu, a bu’r un mor llwyddiannus yno yn gynhyrchydd rhaglenni nodwedd a dogfen.
