Mae angen tanysgrifio i weld holl gynnwys yr erthygl.
Mae’n ddrwg gennym, ond mae’r cynnwys hwn ar gael i’r rhai sydd wedi tanysgrifio yn unig.
Mewngofnodi
Cofrestru
Hanesydd digymar y bêl gron
Hanesydd digymar y bêl gron
Pan ddywedodd John Evans y BBC yn Eisteddfod Genedlaethol 1977 mai i Geidwad Ismael y rhoddid y wobr am gyfrol ar hanes cewri’r bêl-droed yng Nghymru, dywedodd hefyd: ‘Brysied y dydd y cawn gyfrol arall ganddo’. Geraint H. Jenkins oedd Ceidwad Ismael, a, do, cafwyd myrdd o gyfrolau eraill ganddo, am ei briod feysydd academaidd ac am rai meysydd chwarae, y Vetch yn anad unlle. (Ni hoffai rygbi a’i rwysg.) Pan benderfynodd fynd o Ysgol Ardwyn Aberystwyth i astudio hanes yng Ngholeg y Brifysgol Abertawe, ni wn ai enw da’r staff a gasglodd yr Athro Glanmor Williams ynghyd a’i denodd yno ynteu ei gariad cynnar at yr Elyrch.
Cariad na phylodd oedd hwnnw. Bu ef ac Ann ei wraig a’r merched a’u teuluoedd gyda’r ffyddlonaf o’u cefnogwyr. Ac er pan godwyd cofgolofn i’r tywysog o fewnwr-chwith Ivor Allchurch y tu fa’s i’r Liberty yn y Morfa, nid âi Geraint i’w sedd heb rwbio esgidiau’i arwr rhyfeddol.
