Mae angen tanysgrifio i weld holl gynnwys yr erthygl.
Mae’n ddrwg gennym, ond mae’r cynnwys hwn ar gael i’r rhai sydd wedi tanysgrifio yn unig.
Mewngofnodi
Cofrestru
Moderniaeth Ceri Richards
Does dim dwywaith fod Ceri Richards yn un o artistiaid pwysicaf Prydain yr 20g. Modernydd ydoedd yn yr oes arwrol honno ym myd celfyddyd, yn rhan o’r avant-garde, ac yn gwbl effro i gelfyddyd Ewropeaidd.
Fe’i ganed yn 1903 ym mhentref Dynfant, Abertawe. Roedd ei wreiddiau’n rhai cyffredin, fel mab i weithiwr tunplat, ond daeth ei ddawn brin i gyfleu gwrthrych yn gyfan ac yn fanwl mewn ychydig linellau i’r amlwg yn gynnar. Wedi gadael yr ysgol aeth yn brentis trydanwr ond gan astudio drafftsmonaeth beirianyddol a lluniadu mewn dosbarthiadau nos. Yn y man aeth i Ysgol Gelf Abertawe ac oddi yno, yn 1924, i’r Coleg Celf Brenhinol yn Llundain.
O ganol y 1920au, felly, Llundain fyddai ei gartref gydol degawdau sydd wedi’u croniclo’n helaeth gan feirniaid celf o safbwynt moderniaeth ‘Seisnig’. Ond y gwir er hynny yw iddo feithrin ei gymuned gelfyddydol ei hun a oedd yn Ewropeaidd ac yn rhyngwladol ei bryd a’i byd-olwg.
