Mae angen tanysgrifio i weld holl gynnwys yr erthygl.
Mae’n ddrwg gennym, ond mae’r cynnwys hwn ar gael i’r rhai sydd wedi tanysgrifio yn unig.
Mewngofnodi
Cofrestru
Ymladd dros yr ‘Hawl i Fyw Adra’
Mae cyfnod Covid-19 wedi amlygu anfoesoldeb cyfredol prisiau’r farchnad dai a chreu argyfwng cymunedol. Bellach mae tai yn cael eu prynu ar raddfa wallgo o fewn oriau o’u rhoi ar y farchnad a hynny am grocbris. Yn ôl ystadegau Principality ar gyfer 2020, fe gynyddodd pris cyfartalog tŷ ar ei ben ei hun £30,000 yng Ngwynedd – o £250,000 i £280,000 a hynny mewn un tymor. Ym Morfa Nefyn, y pentref lle cefais i fy magu, nid yw’n anarferol gweld bwlch o £100,000 rhwng prisiau tai’r gymuned a phrisiau’r un math o dai mewn cymuned arall o fewn y sir. Mae’r cyfle i mi fyw yn fy mhentref genedigol wedi ei gau yn glep yn fy wyneb a dyna’r realiti i sawl un arall, sef cael ein dadwreiddio dros nos. Wrth fynd am dro o amgylch Morfa Nefyn, mi welwch arwyddion ‘Gwerthwyd’ ar sawl tŷ ac enwau fel ‘Happy Daze’, ‘Dolphin’ a ‘Curly Tree Cottage’. Mewn cenhedlaeth ni fydd hoel nac unrhyw arwydd o Gymreictod yn y pentref.
