Llyfrau
Adolygiad o Cymru Fydd, Wiliam Owen Roberts (O’r Pedwar Gwynt, £12.99)
Pan fydd awduron yn sgrifennu am y dyfodol, sgrifennu am heddiw y maen nhw go iawn. Ymestyn elfennau o’r presennol ymlaen i’w heitha’ a gweld be allai ddigwydd.
Mae Cymru Wiliam Owen Roberts, yn negawd ola’r 21g., yn ymddangos yn annhebygol: gwladwriaeth bwerus y Gymru Gymraeg yn gormesu ar y Welsh sydd wedi eu dal rhwng y ‘Cymrics’ a’r Pedwar Rhanbarth di-drefn sydd bellach lle’r oedd Lloegr. Ond yn nrych gwyrdroedig amser, yr un ydi’r cwestiynau anodd, y problemau moesol a’r ymrafael gwleidyddol sy’n rhan o fywyd llawer o genhedloedd heddiw.
Dylan Iorwerth
Mawrth 2023