Mae angen tanysgrifio i weld holl gynnwys yr erthygl.
Mae’n ddrwg gennym, ond mae’r cynnwys hwn ar gael i’r rhai sydd wedi tanysgrifio yn unig.
Mewngofnodi
Cofrestru
Arddangosfa sy’n chwalu myth
Pan gyhoeddodd yr hanesydd celf Peter Lord y gyfrol Delweddu’r Genedl yn 2000, dim ond un paentiad gan Edward Owen, Penrhos, y gwyddai amdano. Er bod llythyron yr artist o Benrhos, ger Caergybi, wedi goroesi, roedd ei waith ar chwâl. Un mlynedd ar ddeg wedi cyhoeddi’r gyfrol cysylltodd Piers Davies, gwerthwr celf o’r Unol Daleithiau, â Peter Lord a hynny ar ôl darllen troednodyn yn y gyfrol yn tynnu sylw at yr artist o’r 18g. Wrth ymhél â chasgliad celf un o’i ddiweddar gleientiaid sylwodd Piers Davies ar yr enw Penrhos ar gefn y cynfas.
Bellach mae’r paentiad ym meddiant Peter Lord, ac mae’n cael lle anrhydeddus o dan y dyddiad ‘1732’ yn Oriel Gregynog yn y Llyfrgell Genedlaethol. Yn ôl y disgrifiad sydd wrtho, dyma’r hunanbortread cynharaf gan artist Cymreig. A dyma’r ddelwedd, gyda’r geiriau ‘DIM CELF GYMREIG’ ar draws llygaid Edward Owen, sydd ar ddeunydd hyrwyddo arddangosfa sy’n chwalu’r myth nad oes gan y Cymry draddodiad gweledol.
